Convoca:
Caixanova
Contido:
Descubrir as posibilidades expresivas da voz e educala é a finalidade do Obradoiro de Voz Expresiva que impartirá Alicia Borrás no Centro Social Caixanova de Vigo en xaneiro (días 21 e 28), febreiro (días 4,11,18,25) e marzo (4,8,18 e 25) as 19:00h. A matrícula pode formalizarse en calquera sucursal de Caixanova ate agotar as 15 prazas dispoñibles.
Convoca:
Ministerio de Administracións Públicas
Contido:
O Ministerio de Administracións Públicas convoca sete bolsas destinadas a titulados superiores universitarios en materias de Ciencia Política e da Administración e do Dereito Público, Biblioteconomía e Documentación, Tecnoloxías da Información e/ou asimiladas. A contía individual da bolsa será de 15.600 euros anuais e o seu importe abonarase por mensualidades vencidas, a razón de 1.300 euros mensuais.
Poderán ser beneficiarios das bolsas previstas na presente Resolución todas aquelas persoas de nacionalidade española ou nacionais dalgún país membro da Unión Europea, que se atopen no prazo de presentación de solicitudes, en posesión do título de doutor, máster, graduado, licenciado, enxeñeiro ou arquitecto, expedido polas Institucións académicas españolas ou debidamente homologado polo Ministerio de Educación Política Social e Deporte, dentro dos cinco anos anteriores á data de publicación da presente convocatoria.
O goce das bolsas concluirá o 31 de decembro de 2009, podendo prorrogarse cada unha delas dúas veces como máximo, por períodos dun ano cada vez .O desenvolvemento das actividades propias destas bolsas de formación esixe como, requisito indispensable, a presenza física dos bolseiros na sede do Instituto Nacional de Administración Pública, rúa Atocha, 106, Madrid. As solicitudes formalizaranse no modelo que figura como Anexo I, dirixiranse á Directora do INAP e poderán presentarse no Rexistro Xeral do INAP (rúa Atocha, 106, 28012-Madrid) ou por calquera dos procedementos previstos no artigo 38.4 da Lei 30/1992, de 26 de novembro, de Réxime Xurídico das Administracións Públicas e do Procedemento Administrativo Común. Os solicitantes poderán ao mesmo tempo encher e enviar en liña o formulario que se facilita na páxina web do INAP: www.inap.map.é.
Prazo:
O prazo de presentación das solicitudes será de 15 días naturais, a contar desde o seguinte ao da publicación desta convocatoria no Boletín Oficial do Estado do 30 decembro 2008.
Máis información:
BOE 30 decembro 2008
CONTIDO:
Resolución de 24 de novembro de 2008, da Dirección Xeral de Política e Industrias Culturais, por a que se convocan as bolsas Culturex de formación práctica en xestión cultural para mozos españois en institucións culturais no exterior, convocatoria 2009.
A finalidade das bolsas é a de contribuír á formación e especialización de mozos profesionais españois en xestión e programación cultural en diversos campos como as artes audiovisuais, escénicas, plásticas e visuais; literatura, libro e edición, mediante estancias formativas en festivais, feiras e centros culturais de relevancia internacional no exterior.
As bolsas terán unha duración de nove meses, de marzo a novembro de 2009.
As condicións económicas da presente convocatoria son as seguintes:
REQUISITOS:
PRAZO:
30 días naturais seguintes á publicación no BOE
MÁIS INFORMACIÓN:
BOE 23/12/2008
Contido:
Co gallo do 50 aniversario que en 2008 celebra a factoria de Citröen en Vigo, a compañía decidiu organizar visitas guiadas á planta.
Cada seman poderán participar grupos de 30 persoas e o percorrido pola fábrica ten unha duración de 90 minutos.
As perosas interesadas en participar poden solicitar cita previa a través da seguinte dirección de correo elecrónico : centrodevigo@mpsa.com
Tamén por correo postal no Centro de Vigo, PSA Peugeot Citröen, Servicio de Comunicación, Avenida de Citröen 3 e 5, 36210.Vigo.
En ambos casos hai que indicar o nome, enderezo e teléfono das persoas que van participar.
Convoca:
Secretaría Xeral de Política Linguística e Casa da Xuventude de Vigo
Contido:
A Casa da Xuventude de Vigo xunto coa Secretaría Xeral de Política Linguística organiza un curso preparatorio de galego para a superación da proba de nivel do Celga 4 con obxecto de facilitar a participación da xente nova en ditos cursos .
Este curso non dará dereito a ningún tipo de certificación ou diploma de asistencia. Para obter dita acreditación do nivel de coñecemento , as persoas interesadas terán que realizar a proba correspondente, que se efectuarán en maio e novembro do 2009, despois da convocatoria publicada no Diario Oficial de Galicia.
A inscripción nas probas é independente da dos cursos.
O curso será gratuíto e cunha duración de 75 horas lectivas distribuídas en sesións de dúas horas ou dúas horas e media cada día.
Prazo:
As persoas interesadas poderán apuntarse na Casa da Xuventude e no Punto Xove ate o día 20 de xaneiro. Só se realizaría o curso se contamos cun mínimo de 25 persoas preinscritas.(Nome, apelidos, DNI, e teléfono).
Máis información:
Casa da Xuventude. R/ Lopez Mora 31. Telf: 986-294806 (Servizo de Orientación ó estudante e Servizo de Emprego).
Punto Xove. R/López de Neira 27. Telf: 986223004
Contido:
O Auditorio de Castrelos acolle dende hoxe e ata o 30 de xaneiro unha pista de xeo para nenos e adultos.
O horario da pista de xeo vai ser de 10.00 a 14.00 horas e de 16.00 a 22.00 horas (en periodo escolar) , en datas especiais como o 24 e 31 de decembro a pista vai estar aberta de 12 a 19.00 h e o 25 de decembro e o 1 de xaneiro o horario vai ser de 16 a 22 horas.
O prezo da entrada xeral é de 6 euros por persoa, e de 3 euros para nenos/as que participen no programa de promoción escolar do Concello de Vigo .
Máis Información:
010
Contido:
Este venres comeza Nadal Ocio en Pontevedra, que una ano máis conta cunha pìsta de xeo, parque de ocio con inchábeis e obradoiros e un circuito de karts para nenos/as e adultos no aparcadoiro do Recinto Feiral en Pontevedra.
Os horarios de apertura da pista de xeo son todos os días de 16.30 a 23.00 h e venres e sábados ata a 1.00 h .
Os sábados e domingos tamén de 11.00 a 14.00 horas.Os horarios do parque de ocio son todos os días de 16.30 a 22.00 h.
Os prezos oscilan entre os 3 e 6 euros dependendo da actividade escollida.
Máis Información:
986 87 40 70
CONTIDO:
Convocatoria para a contratación laboral temporal dun técnico animador deportivo polo procedemento selectivo de concurso.
O contrato será por obra ou servizo durante un ano, a tempo completo, en xornada partida en función das necesidades do servizo.
REQUISITOS:
PRAZO:
20 días naturais seguintes á publicación no BOP
MÁIS INFORMACIÓN:
BOP Coruña 18/12/2008
Contido:
O sábado dia 20 comeza na Praza de O Rei o parque de xogos infantís Benvido Nadal.
As actividades son libres e gratuitas e van dirixidas a nenos/as con idades comprendidas entre os 3 e 14 anos, van durar ata o dia 6 de xaneiro en horario de 12 a 14 horas e de 16 a 20 horas, excepto os dias 25 d edecembro e 1 e 6 de xaneiro no que o horario sera de tarde.
Na festa habera diversos hinchables, asi como unha pista de competición e carpas nas que os asistentes participaran en obradoiros de globoflexia, adornos navideños, música, baile..etc
Máis Información:
010
Coincidindo co 60 aniversario da Declaración Universal dos Dereitos Humanos, a vicepresidenta primeira do Goberno, María Teresa Fernández de la Vega, presentou na sede de Nacións Unidas en Nova York o Plan Nacional de Dereitos Humanos que o Consello de Ministros aprobou o pasado venres.
Este plan, que situará a España, xunto a Suecia e Noruega, “na vangarda” mundial nesta materia, en palabras de De la Vega, contempla 172 medidas entre as que destaca a decisión do Goberno de instalar cámaras naquelas dependencias que reciban a detidos en réxime de incomunicación, como é o caso dos terroristas; a eliminación deste réxime para os menores de idade ou a concesión dunha autorización de residencia a aquelas mulleres vítimas de tráta de brancas, entre outras.
No ámbito internacional, España loitará pola abolición da pena de morte e a prevención da tortura, mentres que promoverá a protección integral ás vítimas do terrorismo e a Alianza de Civilizacións.
Ademais, durante a súa visita, a vicepresidenta reuniuse co secretario xeral da ONU, Ban Ki Moon, para asinar un acordo de constitución dun fondo español no Fondo de Desenvolvemento de Nacións Unidas para a Muller, UNIFEM, que preside a española Inés Alberdi.
Críticas de ONG de Dereitos Humanos
Algunhas ONG fixeron públicas as últimas semanas algunhas críticas ao Plan, as cales se reumen nos seguintes puntos:
* A difusión do borrador foi pobre e sesgada. Numerosas entidades de longa tradición de defensa dos dereitos humanos, quedaron excluídas da interlocución co Goberno sen ningún motivo aparente.
* O borrador fíxose circular o día 19 de novembro, coa petición de facer chegar os comentarios e opinións antes do día 1 de decembro. Os termos expostos non son realistas e en ningún caso pódense considerar un verdadeiro proceso consultivo.
* Ao documento ao que tivemos acceso fáltalle unha metodoloxía clara que permita falar dun verdadeiro plan de acción: obxectivos, medidas calendarizadas, orzamento, etc.
* Hai temas fundamentais a escala nacional que non aparecen ou o fan de xeito tangencial: o trato ás persoas inmigradas; a reforma da lei de asilo; as recomendacións de instancias internacionais respecto da práctica da tortura e os malos tratos nas nosas comisarías e presións; o acceso a unha vivenda digna como un dereitos humano fundamental; a incorporación do eixo de dereitos humanos na política de cooperación ao desenvolvemento, o compromiso firme polos dereitos sociais e o seu exigibilidad en sede xurisdiccional…
* No referente ao seguimento, só se apunta a creación dunha comisión de seguimento con participación da sociedade civil, pero sen concretar como será a selección dos seus membros e o mandato que terá.
Contra a trata de brancas
O Consello de Ministros aprobou tamén un plan contra a tráta de brancas que garantirá asistencia social e xurídica ás vítimas.
O Plan recolle 61 medidas que pretenden sensibilizar á sociedade para promover “reaccións de tolerancia cero” contra os actos delituosos relacionados con trataa, combater as súas causas a través de políticas activas de cooperación cos países de orixe, tránsito e destino, contar coa participación das ONG para o desenvolvemento de medidas desde unha perspectiva integral, asegurar a asistencia e protección á vítima, e loitar decididamente contra os traficantes e proxenetas.
Reformarase a lei de enjuiciamiento criminal para ampliar as medidas cautelares contra as organizacións que se dedican a trátaa e crearase un Fondo de Bens comisados procedentes desta actividade, que irá destinado tanto á asistencia das vítimas como ao fortalecemento da actuación policial contra este delito.
Tamén se realizarán estudos sobre as consecuencias da tráta nas súas vítimas, os diferentes modelos de intervención para a recuperación e o mapa de recursos existentes e desenvolveranse campañas de concienciación sobre a vulneración dos dereitos fundamentais das mulleres que exercen a prostitución e das vítimas da trata.
Ademais, prevese a constitución dun Foro contra a Trata integrado polas administracións públicas competentes, as ONG e outras institucionais implicadas na asistencia ás vítimas e a loita contra este delito para garantir a coordinación e a coherencia de actuacións desde unha perspectiva integral.
Estímase que actualmente máis dun millón de nenos e nenas son vítimas do tráfico de seres humanos co fin de explotalos tanto laboral como sexualmente, segundo Amnistía Internacional. Ademais, calcúlase que máis de 100 millóns de menores non teñen acceso á educación en todo o mundo e máis de 300.000 son recrutados cada ano para participar nas guerras civís dos seus países. AI tamén ofrece outras cifras sobre dereitos humanos moi preocupantes: 800 millóns de persoas sofren malnutrición e o 70% de todas as mulleres asasinadas no mundo son a mans das súas parellas, entre moitas outras.