CONTIDO:

• Ambientarte está buscando para incorporación inmediata un/ha licenciado/a en historia, socioloxía, antropoloxía, filosofía ou similar, que ademáis teña experiencia no manexo de grupos e/ou visitas guiadas.

• É imprescindible ter un bo manexo do galego falado.

• Posibilidade de colaboración ata novembro.

• As persoas interesadas teñen que enviar o currículo a: ambientarte@ambientarte.es

MÁIS INFORMACIÓN:

 Ambientarte

Teléfono: 653 226 737 (Isabel Fernández Domínguez)

Convoca: Concelleria de Promoción Económica, Emprego e Participación Cidadá.

Destinatarios:

Nen@s: de 8 a 12 anos os días 23 – 24 e 27 de xullo
Nen@s: de 12 a 16 anos os días 28 – 29 e 30 de xullo

Lugar: Aula de Formación, Centro Cívico Casco Vello

Horario: 10:45 a 12:45

Máis información e inscricións:

Centro de Atención Municipal ( C.A.M.) Casco Vello, rúa Oliva N º 12. Teléfono - Fax: 986.226.841
Correo Electrónico: camcascovello@vigo.org

Convoca:

Concello Pontevedra

Contido:

Ó obxecto xeral da presente convocatoria é regular o procedemento para a concesión de subvencións ás familias con dificultades socio-económicas para apoio ao estudio para o curso escolar 2009/2010, establecendo dúas modalidade de prestacións:

1. Axudas para a adquisición do material escolar necesario para o alumnado de educación infantil (segunda etapa) dos colexios públicos de Pontevedra.

2. Axudas para pago de comedor escolar, destinadas as familias que teñen menores ao seu cargo que estean utilizando o servizo de comedor nos centros públicos de ensino infantil e primario do Concello de Pontevedra.

As contías máximas das axudas a conceder para o curso escolar 2009/2010, serán as seguintes:

1. Por axudas para adquisición de material escolar para o ciclo educativo de ensino infantil (2ª etapa), a contía será de 110,00 € por alumna/o.

2. Por axudas para pago de comedor escolar as contías serán as seguintes:

-552 € por alumno/a que utilice o servizo de comedor os cinco días da semana e polo cómputo total do uso do servizo de comedor escolar durante todo o ano escolar.

-445 € por alumno/a que utilice o servizo de comedor catro días da semana e polo cómputo total do uso do servizo de comedor escolar durante todo o ano escolar.

Beneficiarios

A presente convocatoria establece como beneficiarias as familias empadroadas no Concello de Pontevedra, que teñan aos menores ao seu cargo matriculados para o curso escolar 2009/2010 en centros de ensino público de Pontevedra, no nivel de Educación Infantil (2ª Etapa) de 3 a 5 anos para as axudas de material escolar, e/ou estean matriculados en Educación Infantil ou Primaria para as axudas de comedor escolar.

Requisitos

A unidade familiar deberá estar empadroada e residir de modo efectivo no concello de Pontevedra.

Convivir, nesa unidade familiar, as/os alumnas/as para os que se solicita as axudas

Estar matriculado ou ter reserva de matrícula para a segunda etapa de educación infantil ou primaria para o curso escolar de 2009/2010, en centros de ensino público do termo municipal de Pontevedra.

Que os ingresos económicos da unidade familiar de rendas obtidas no ano 2008 non supere os límites máximos establecidos.

Considérase unidade familiar a formada polo pai, nai, titor, ou persoa encargada da garda e protección do menor así como os seus fillos solteiros menores de vinteseis anos que convivisen no domicilio familiar ata a data da publicación da presente convocatoria.

Tendo en conta que as axudas están destinadas a familias con dificultades socioeconómica, as solicitudes que cumpran os requisitos, se valorarán segundo os seguintes criterios: ingresos da unidade familiar, nº de fillos en idade escolar e problemática social. Puntuándose cada unha delas segundo baremo que figura na base décimo primeira das presentes bases. A puntuación individual acadada de cada unha das solicitudes priorizará a orde de concesión, dentro da capacidade orzamentaria consignada para cada concepto.

Formalización de solicitudes e documentación requirida

As/os solicitantes das axudas consideradas nas presentes bases, presentarán as súas solicitudes a través do Rexistro Xeral Municipal do Concello de Pontevedra, segundo o modelo que figura como Anexo I, acompañadas da documentación acreditativa do cumprimento de requisitos e circunstancias que permitan avaliar a situación sociofamiliar.

Prazo de solicitude

O prazo de presentación de solicitude será de 30 días hábiles, contados a partir da publicación das presentes Bases no Boletín Oficial da Provincia de Pontevedra do 3 xullo.

Máis información:

BOP Pontevedra 3 xullo 2009

CONTIDO:

Selección de monitores/as medioambientais para impartir os cursos de “Traballador/a forestal” e “Monitor/a de prácticas deportivas en espazos naturais”.

 Documentación: xunto coa instancia achegarase fotocopia do DNI, currículo vitae, proposta de contidos para o curso e presuposto.

Lugar de presentación: Rexistro Xeral do Concello de Vigo. Praza do Rei s/n (Vigo). Dirixido ao servizo de Promoción Económica, Emprego e Participación Cidadá

Horario de entrega: de 9 a 13 horas

Datos do curso

- Formación mixta

- Denominación: Traballador forestal (70 horas presenciais e 55 a distancia) e Monitor/a de prácticas deportivas en espazos naturais (70 horas presenciais e 50 horas a distancia)

PRAZO:

Dende o día 6 de xullo ata o 14 de agosto de 2009

MÁIS INFORMACIÓN:

hoxe.vigo.org

Convoca:
Biblioteca Pública Central.

Contido:

HORARIO: 11,00 a 13,00

GRUPOS DE 15 RAPACES. (Establecerase unha lista de agarda)

É IMPRESCINDIBLE SER SOCIO DA BIBLIOTECA

ESTE VERÁN IMOS TRABALLAR CON UNHA TÉCNICA PICTÓRICA QUE TEN MOITAS POSIBILIDADES DE EXPRESIÓN: O COLLAGE

1º GRUPO:

3 ao 7 de agosto (incluídos)

IDADE: 10 a 14 anos

2º GRUPO:

10 ao 14 de agosto (incluídos)

IDADE: 7 a 9 anos

3º GRUPO:

18 ao 24 de agosto (incluídos)

IDADE: 7 a 9 anos

4º GRUPO:

25 ao 31 de agosto (incluídos)

IDADE: 10 a 14 anos

Inscripcións a partir do 6 de xullo ás 9:00. Por teléfono ou persoalmente na biblioteca. É obligatorio que os rapaces sexan socios.

Máis Información:

986 229074

O tenente de alcalde, Santi Domínguez, presentou este martes a campaña “Merca no Vigo histórico… as túas compras viaxan gratis”, que ofrecerá aos clientes que acudan ao centro da cidade para realizar as súas compras de aparcamento e autobús gratuitos. Mediante esta iniciativa, organizada polas concellerías de Cascos Históricos e Patrimonio Histórico, xunto aos centros comerciais abertos Centro Príncipe, Zona Centro e Vigo Vello, e os mercados de O Berbés e Progreso, cada cliente que realize unha compra superior a 10 euros recibirá unha hora de aparcamento gratuíta ou unha viaxe en autobús tamén de balde.

Dende o 1 de xullo ao 31 de decembro, periodo no que en principio estará vixente a campaña, “Merca no Vigo histórico… as túas compras viaxan gratis” ofrecerá un total de 23.000 horas de aparcamento e 13.300 viaxes en autobús de xeito gratuito.

Os establecementos participantes na iniciativa contarán cun logotipo identificativo, de xeito que por cada compra superior a 10 euros cada cliente recibirá un tiket de aparcamento gratuito para unha hora ou un billete para coller o autobús. Os aparcamentos que se acollen a esta proposta son os do Progreso, Doutor Cadaval, Eduardo Iglesias, Velázquez Moreno, A Estrela, Colón 28, El Dorado, Venezuela, Berbés e As Avenidas. Asemade, o tenente de alcalde indicou que só se poden empregar un máximo de tres tikets en cada aparcamento, pero que non caducan. Así si as compras que realiza unha persoa lle reportar, por exemplo, oito tickets poderá descontalos do prezo de parking en calquera momento.

Convoca:

Imaxinasons.

Contido:
Na xornada do mércores 1 de xullo o Festival de Jazz de Vigo Imaxina Sons propón, ademais, dos concertos de Marc Ducret no MARCO e de Organic Collective, dentro do circuíto Jazz na noite, unha mesa redonda para reflexionar sobre o camiño andado polo festival. As cinco edicións do mesmo motivan unha tertulia que terá lugar ás 20.30h no MARCO e na que participan o director artístico do festival, Baldo Martínez e os críticos Tomás Sendón e Alejandro Cifuentes. Posteriormente terá lugar o concerto solista de Marc Ducret, un dos máis reputados guitarristas europeos con proxectos a ambos lados do Atlántico.

Prógrama mércores 1 de xullo
20,30 h Mesa redonda / Conferencia
Cinco edicións de Imaxina Sons. Os desafíos dun festival de jazz. Mesa
redonda coa participación de Baldo Martínez, director artístico do festival
e os críticos Tomás Sendón e Alejandro Cifuentes
Salón de actos do MARCO. Entrada libre

21,30 h Marc Ducret
Salón de actos do MARCO
Entrada: 2 euros
www.servinova.com ou despacho de billetes no museo antes do concerto

23,00 h Ciclo Jazz na Noite. Contrabajo (Rúa Venezuela, 82)
Organic Collective
Entrada libre.

Convoca:

Consellería de Presidencia, Administracións Públicas e Xustiza

Contido:

A Consellería de Presidencia, Administracións Públicas e Xustiza establece e regula os programas de bolsas destinadas aos cidadáns galegos residentes no exterior para a realización de estudos universitarios e de formación profesional durante o curso académico 2009-2010.

Programa 1: bolsas para a realización de estudos universitarios de carácter oficial e validez en todo o territorio nacional en calquera das tres universidades de Galicia
As ditas bolsas terán como finalidade axudar a sufragar parte dos gastos académicos derivados dos estudos (incluídas as taxas académicas correspondentes aos estudos elixidos), da estadía, manutención e da viaxe de ida e volta entre o lugar de residencia no estranxeiro e a Comunidade Autónoma de Galicia.

Requisitos dos solicitantes.
-Poderán solicitar estas axudas os galegos e os seus descendentes ata o segundo grao, que cumpran os seguintes requisitos:
-Residencia no estranxeiro do solicitante da bolsa.
No caso de solicitar unha prórroga da bolsa concedida en convocatorias anteriores, o solicitante deberá acreditar a residencia da súa unidade económica familiar no estranxeiro e ter superados o 75% das materias ou créditos nos que estivo matriculado no curso 2008-2009, incluíndo o proxecto fin de carreira.
-Estar admitido/a para cursar estudos presenciais conducentes á obtención do título de licenciado, enxeñeiro, arquitecto, diplomado, mestre, enxeñeiro técnico e arquitecto técnico ou a nova titulación de graduado durante o curso 2009-2010, na universidade de Santiago de Compostela, A Coruña ou Vigo. Os beneficiarios das bolsas deberán estar matriculados en, como mínimo, 50 créditos, incluído neles o proxecto fin de carreira.

Programa 2: bolsas para a realización de estudos de terceiro ciclo (etapa de formación) e para a realización de ensinanzas conducentes á obtención do título de máster universitario en calquera das tres universidades de Galicia
As ditas bolsas terán como finalidade axudar a sufragar parte dos gastos académicos derivados dos estudos (incluídas as taxas académicas correspondentes aos estudos elixidos), da estadía, manutención e da viaxe de ida e volta entre o lugar de residencia no estranxeiro e a Comunidade Autónoma de Galicia.

Requisitos dos beneficiarios.
Poderán solicitar estas axudas os galegos e os seus descendentes ata segundo grao, que cumpran os seguintes requisitos:
-Residencia no estranxeiro do solicitante da bolsa.
-No caso de solicitar unha prórroga da bolsa concedida en convocatorias anteriores, o solicitante deberá acreditar a residencia da súa unidade económica familiar e ter superados o 75% dos créditos nos que estivo matriculado no curso 2008-2009.
-Estar admitido/a no curso 2009-2010 nun programa de terceiro ciclo ou nun dos máster universitarios autorizados pola Xunta de Galicia e impartidos nas universidades de Santiago de Compostela, A Coruña ou Vigo.

Programa 3: bolsas para a realización de estudos de formación profesional de grao superior en centros docentes públicos e centros privados da Comunidade Autónoma de Galicia que teñan estas ensinanzas concertadas

Requisitos dos beneficiarios.
Poderán solicitar estas axudas os galegos e os seus descendentes ata segundo grao, que cumpran os seguintes requisitos:
-Residencia no estranxeiro do solicitante da bolsa.
-Estar matriculado/a no curso 2009-2010 nalgún ciclo formativo de grao superior nun centro docente público ou centro privado da Comunidade Autónoma de Galicia que teñan estas ensinanzas concertadas.

Contía das axudas.
Cada bolsa concedida dentro dos programas 1 e 2 (realización de estudos universitarios) estará integrada polos seguintes conceptos:
-Unha axuda máxima de 6.000 €, destinada a sufragar os gastos académicos derivados dos seus estudos, da estadía e manutención.
-No caso dos solicitantes que opten a unha bolsa de nova adxudicación e acrediten residencia no estranxeiro, unha axuda destinada a sufragar os gastos derivados da viaxe de ida e volta entre o lugar de residencia do beneficiario no estranxeiro e a Comunidade Autónoma de Galicia:
-Estudantes residentes en países europeos: 350 €.
-Estudantes residentes no resto de países: 1.000 €.
Cada bolsa concedida dentro do Programa 3 (realización de ciclos superiores de formación profesional) estará integrada polos seguintes conceptos:
-Unha axuda máxima de 5.000 €, destinada a sufragar os gastos académicos derivados dos seus estudos, da estadía e manutención.
-No caso dos solicitantes que acrediten residencia no estranxeiro, unha axuda destinada a sufragar os gastos derivados da viaxe de ida e volta entre o lugar de residencia do beneficiario no estranxeiro e a Comunidade Autónoma de Galicia:
-Estudantes residentes en países europeos: 350 €.
-Estudantes residentes no resto de países: 1.000 €.

Solicitudes e prazo de presentación.
O modelo oficial de solicitude que se publica como anexo a esta resolución, atópase á disposición dos interesados nas dependencias da Secretaría Xeral da Emigración, da Secretaría Xeral de Universidades e da Dirección Xeral de Educación, Formación Profesional e Innovación Educativa e nos enderezos da internet www.galiciaaberta.com e www.edu.xunta.es.
A solicitude presentarase, xunto coa documentación correspondente, ben no rexistro xeral da Secretaría Xeral da Emigración ou ben por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común (entre os que figuran as delegacións da Xunta de Galicia en Buenos Aires e Montevideo).
Se a solicitude é presentada por correo, remitirase á Secretaría Xeral da Emigración, rúa Basquiños nº 2, 15704, Santiago de Compostela (A Coruña), España.
Igualmente, as solicitudes poderán presentarse nas representacións diplomáticas e oficinas consulares de España no estranxeiro.
O prazo de presentación de solicitudes será dun mes contado a partir do día seguinte ao da publicación desta resolución no Diario Oficial de Galicia do 1 de xullo.

Convoca:
Ministerio de fomento

Contido:
O Centro de Estudos e Experimentación de Obras Públicas convoca 12 bolsas de formación de persoal investigador en actividades e materias da competencia de devandito organismo.
O obxectivo que se persegue con estas bolsas é contribuír á promoción e desenvolvemento de estudos, experimentacións e investigacións no ámbito das obras públicas e demais realizacións propias da enxeñería civil, a edificación e o medio ambiente asociado, mediante o otorgamiento dunha axuda económica destinada á realización de teses doutorais nas materias dos ámbitos sinalados.
Os labores formativos de estudos, experimentación e investigación desenvolveranse nos diferentes Centros ou Laboratorios do CEDEX. No Anexo II desta convocatoria relaciónanse as liñas temáticas e os Centros e Laboratorios específicos baixo cuxa supervisión e dirección realizaranse as actividades asociadas a cada unha das bolsas.
Requisitos dos beneficiarios.
a) Posuír a nacionalidade española ou ser nacional dun país membro da Unión Europea, ou estranxeiro residente en España con permiso de traballo no momento de solicitar a bolsa e dominio do idioma español.
b) Estar en posesión do título de Licenciado ou Enxeñeiro Superior. A data de finalización dos estudos correspondentes deberá ser posterior a xuño de 2004.
Tamén poderán solicitar as bolsas os titulados cuxa data de finalización dos seus estudos sexa posterior a xuño de 2001 e acrediten que, entre esa data e xuño de 2004, dedicáronse ao coidado de fillos menores de seis anos.
c) Estar inscrito, ou reunir os requisitos para ser admitido, nun programa de doutoramento dunha Universidade española en materias afíns ás relacionadas no apartado primeiro para a bolsa ou bolsas polas que se opta. A non inscrición no mesmo durante o primeiro período habilitado pola Universidade para devandita inscrición tras a concesión da bolsa, dará lugar ao comezo do procedemento de reintegro da axuda concedida.
d) Os títulos obtidos no estranxeiro ou en centros universitarios privados españois, deberán estar convalidados ou recoñecidos oficialmente no momento de presentar a solicitude, ou acreditarse documentalmente que a homologación atópase en tramitación. Aos efectos de considerar que o título é válido para acollerse á presente convocatoria, o solicitante deberá acreditar na súa solicitude, mediante a presentación dun certificado emitido pola Universidade correspondente, que reúne os requisitos para ser admitido nun programa de doutoramento.
e) Non estar incapacitado fisicamente ou padecer enfermidade que poida impedir o desenvolvemento da actividade que constitúe o obxecto da bolsa.
Duración das bolsas.
A duración das axudas será de 48 meses, contados a partir da data de incorporación e estruturarase en dous períodos diferenciados de acordo co previsto no Estatuto do Persoal Investigador en Formación:
a) No primeiro, cunha duración de 24 meses, cuxa finalidade primordial é facilitar o estudo e a formación do beneficiario, a axuda revestirá as características dunha bolsa e, durante o mesmo, o persoal investigador en formación deberá alcanzar a suficiencia investigadora por medio da obtención do Diploma de Estudos Avanzados, DEA, ou documento administrativo que o substitúa de acordo coa nova estrutura de ensinos adaptada ao Espazo Europeo de Educación Superior.
Aínda que o bolseiro obtivese o DEA con anterioridade á finalización dos dous primeiros anos de bolsa, non accederá á fase de contrato ata que complete o período mínimo de dous anos de bolsa. Os períodos de suspensión da axuda por causa de incapacidade temporal (enfermidade ou accidente), risco durante o embarazo e descanso por maternidade e paternidade debidamente acreditadas, poderán ampliar o cómputo da duración da fase de bolsa.
As posibles prórrogas requirirán a proposta motivada do titor e o responsable do Centro, acompañada da documentación sinalada no apartado décimo terceiro, e elevada ao Director Xeral do CEDEX. En todo caso, a concesión de prórrogas estará condicionada á existencia, en cada exercicio, das dispoñibilidades orzamentarias adecuadas e suficientes.
Con carácter excepcional, e sempre que se cumpriron os dous anos de bolsa, poderase celebrar o contrato en prácticas ao que se refire a letra b deste apartado, sen que o bolseiro obteña o DEA ou documento equivalente, sempre que a súa actividade científica, tecnolóxica, humanística ou artística sexa avaliada positivamente pola Comisión Nacional de Avaliación da Actividade Investigadora.
b) No segundo período, que comprenderá como máximo os dous anos seguintes desde a finalización do período de bolsa, o CEDEX formalizará co persoal investigador en formación que estea en posesión do DEA, ou documento administrativo que o substitúa de acordo coa nova estrutura de ensinos adaptada ao Espazo Europeo de Educación Superior, un contrato de traballo en prácticas, en virtude do cal o investigador quedará vinculado laboralmente ao Organismo, asumindo ambas as partes as obrigacións contractuais que do mesmo derívense e que, en todo caso, adecuaranse ao contido da solicitude de axuda que terá por finalidade a realización da tese doutoral. O contrato en prácticas extinguirase transcorrido o tempo máximo antes expresado ou, sen que poida excederse o citado prazo, o día último do terceiro mes natural seguinte ao da obtención do grao de Doutor.

Dotación das bolsas.
Durante o período de bolsa, a contía das axudas será de 1.144 euros mensuais brutos, o que inclúe o importe da bolsa e o custo das achegas á Seguridade Social.O abono realizarase mensualmente.
Lugar de presentación.
Cada solicitante presentará a documentación requirida xunto co impreso normalizado de solicitude que figura en Anexo I, dirixido ao Director Xeral do CEDEX, en calquera dos rexistros a que fai referencia o artigo 38.4 da Lei 30/1992, de 26 de novembro, de Réxime Xurídico das Administracións Públicas e do Procedemento Administrativo Común, modificada pola Lei 4/1999, de 13 de xaneiro, e preferentemente, por razóns de maior axilidade, no Rexistro de entrada do CEDEX, sito na rúa Afonso XII, 3 e 5, 28014 Madrid.

Prazo de presentación.
O prazo de presentación de solicitudes será de trinta días hábiles, contados a partir do seguinte ao da publicación da presente convocatoria no Boletín Oficial do Estado do 27 xuño.

Máis información:
27 xuño 2009

A concelleira de Xuventude, Iolanda Veloso, presentou este venres o concurso de curtametraxes “Vigounhaedez”, convocado en colaboración coa asociación xuvenil Abertal e dirixido a mozos e mozas menores de 30 anos. “Queremos que a xente nova presente a súa visión de Vigo a unha e dez da noite”, explicou a concelleira, co obxectivo de organizar unha mostra con todos os traballos presentados os días 25 e 26 de setembro.

Iolanda Veloso destacou que este certame trata de afondar nas actividades que fan as mozas e mozos vigueses no seu tempo de lecer, “contado historias directamente por eles que acontecen na nosa cidade”. O prazo de presentación de traballos remata o 10 de agosto e, segundo indicou a concelleira de Xuventude, premiarase con 600 euros o mellor traballo presentado e concederase un accesit de 300 euros ao mellor traballo presentado por realizadores ou realizadoras menores de 20 anos.

En representación da asociación xuvenil Abertal, Alicia Francés indicou que o proxecto naceu hai tres anos no marco da convocatoria dun curso-obradoiro no que se realizaron dez curtametraxes de algo máis de 1 minuto sobre o que ocorre ou pode ocorrer en Vigo á 1 e 10. Neste momento arredor de 50 mozos e mozas participan activamente nas diferentes partes do proxecto, co obxectivo final de construír unha plataforma estable que teña continuidade con este e outros proxectos similares.

“A celebración do concurso é posible grazas á Concellería de Xuventude”, destacou Ana Falagán, da asociación xuvenil Abertal. O concurso está aberto á participación de realizadores e realizadoras menores de 30 anos, e poderán presentar un traballo a título individual ou ben un traballo colectivo, ata un máximo de tres obras por autor. As curtas deben ser realizadas con data posterior a xaneiro de 2006 e poden estar rodadas en galego ou en castelán; noutras linguas, deberán estar ademais subtituladas. Ademais, non poderán exceder os 30 minutos.

Cada curtametraxe deberá estar gravada nun DVD e este irá acompañado da ficha de inscrición debidamente cuberta e de dúas fotografías representativas da curtametraxe en formato dixital, así como de outra documentación como dosier, ficha e cartel. Para participar no certame os traballos deben enviarse antes do 10 de agosto ao enderezo da A. X. Abertal, rúa Venezuela 3, baixo. 36203- Vigo (poñendo no sobre “vigounhaedez 2009″). A información pódese consultar na web www.vigounhaedez.org, no teléfono 986 225 662 ou no correo info@vigounhaedez.org