Biblioteca e Revistas
Existe un fondo bibliográfico de interese xuvenil, sobre todo dentro do campo da animación sociocultural e o tempo libre, que está a disposición dos/as usuarios/as. É unha biblioteca modesta integrada dentro dunha sala que denominamos de autoconsulta. Chámase así porque nesta sala se pode entrar libremente e consultar tanto os libros como o fondo documental de revistas que están á vosa disposición na sala.
No caso de estar interesados/as en levar de préstamo algún libro, debedes consultar co persoal para cubrir a documentación correspondente.
Esta zona, xunto coa adxacente inmediata, son espazos usados polos/as mozos/as que nos visitan para ollar a prensa diaria( Faro de Vigo, La Voz de Galicia, Atlántico Diario, El Pais, El Mundo e o Correo Galego) que está á vosa disposición dende primeira hora de mañá.
A idea é crear un espazo no que poidades estar sen necesidade de solicitar unha información lendo comodamente a prensa de hoxe, as revistas ou simplemente observando a información dos paneis.
Revistas
Ademais nesta sala podedes ver e ler as diversas revistas que poñemos á vosa disposición diariamente. Dentro deste fondo de revistas renovado atoparedes suplementos culturais de diferente índole, revistas de información xuvenil e de asociacións relacionadas co mundo da mocidade, do medio e tamén revistas que aluden á solidariedade e o voluntariado. Por exemplo: Magacines dos periódicos, información xuvenil da Xunta, solidarios para o desenvolvemento, Dr. Fleming, infoxove...
