Local de Ensaio

Sala acondicionada para o ensaio de grupos ou solistas de calquera estilo musical. Este espazo conta con equipo de son e instrumentos básicos para ensaios.

Nestes intres, o Servizo de Xuventude do Concello de Vigo conta con dous locais:

1- Na Casa da Xuventude (López Mora, 31).

2- No Espazo Xove do Castro (ao carón da pista de bicicletas).

A quen está dirixido

Mozos e mozas de entre 12 e 30 anos. Máis concretamente, grupos e/ou outro tipo de formacións musicais (cantautores, dúos, bandas, etc.) que precisen dun local para realizar os seus ensaios.

Como facelo

Cubrirase o formulario anexo e remitirase por correo electrónico a xuventude@vigo.org , á atención de Local de Ensaio. Considerarase a solicitude e pasará a formar parte da lista de espera. Chegado o momento de ter dispoñibilidade de espazo nalgún dos locais, pedirase máis información e concretaranse datas e demais detalles cos interesados/as.

Cubrirase o formulario anexo e presentarase na Casa da Xuventude. Considerarase a solicitude e pasará a formar parte da lista de espera. Chegado o momento de ter dispoñibilidade de espazo nalgún dos locais, pedirase máis información e concretaranse datas e demais detalles cos interesados/as.

Cubrirase o formulario anexo e remitirase á Casa da Xuventude. Considerarase a solicitude e pasará a formar parte da lista de espera. Chegado o momento de ter dispoñibilidade de espazo nalgún dos locais, pedirase máis información e concretaranse datas e demais detalles cos interesados/as.

Prazos

Cando un grupo se dá de baixa, outro desta lista pasa a formar parte dos que ensaian nos locais. Para isto localízase, a través do contacto, aos seguintes na lista por estrita orde de entrada.

Sancións

No caso de fallar aos ensaios dúas veces sen previo aviso, o horario destinado ao grupo ou individuo en cuestión, pasará a estar dispoñible para outra persoa ou grupo da lista de espera.

Documentación requirida

Solicitude do local de ensaios musicais

Observacións

- Ademais de poder acceder aos locais de ensaio, ao realizar a solicitude recibirase información gratuíta (presencial ou a través de correo electrónico) de temas relacionados co eido da música (concertos, concursos, cursos, etc.). No caso de non querer recibir información deste tipo, débese notificar por escrito á Casa da Xuventude.

Recomendacións para o uso do local de ensaio (elaborado coa participación dos grupos de música):

1. Procuraremos ter un nivel de son axeitado cando toquemos, por se os/as veciños/as non están para concertos neses momentos.
2. O mellor é que cada un/unha nos especialicemos no noso instrumento, xa que non hai ninguén mellor que un/unha mesmo/a para saber como coidalo.“Se son baixista toco o baixo”
3. Se decidimos fumar, farémolo fóra do local aproveitando un rato de descanso.
4. Utilizaremos a papeleira-paraugueiro, se os necesitamos.
5. Ó rematar de ensaiar tentaremos deixar os cables enrolados para que duren máis tempo.
6. Podemos utilizar o taboleiro de cortiza para poñer anuncios: compravendas, concertos, actividades, etc.
7. Lembrarémonos uns ós outros de deixar apagados os monitores, amplis e demais aparellos cando rematemos o noso ensaio e así evitaremos posibles accidentes.
8. Cando teñamos previsto faltar ó ensaio comunicarémolo o antes posible para que outro grupo poida utilizar o local no noso horario. Se decidimos non avisar nun par de ocasións enténdese que preferimos deixar o local a disposición doutro grupo no sucesivo.
9. Utilizaremos o chan para apoiar os pés, sempre mellor que as paredes, xa que o material co que están revestidas para insonorizar rompe con facilidade.
10. Sería aconsellable deixar o local como a nós nos gustaría atopalo.

Todos/as agradecemos a colaboración e implicación na conservación deste espazo. Gocémolo.