¿Que son os Castroconcertos?

Unha iniciativa do programa de lecer xuvenil alternativo ”Súbete ó Castro”, que ten como unha das súas principais liñas de actuación o ámbito musical, sendo sé dun dos locais de ensaio municipais e que ofrece ao longo do ano cursos gratuítos de formación musical (guitarra, teclado, batería, pandeireta, baixo eléctrico e vogalista).

A culminación dunha actividade formativa e de lecer deseñada para xoves músicas/os amateurs da cidade de Vigo, que están dando os primeiros pasos no mundo da música.

Unha serie de concertos ao ar libre nun escenario descuberto situado en pleno corazón do Parque de O Castro, na zona centro da cidade de Vigo, que se celebran os venres e sábados en horario nocturno, con entrada libre e gratuíta, e no que actúan grupos musicais fundamentalmente de xente nova e que na maioría dos casos son usuarias/os dos locais de ensaio da Concellaría de Xuventude do Excmo. Concello de Vigo. Celebraranse ao longo dos meses de maio, xuño, xullo, agosto e setembro.

Os Castroconcertos abordan todo tipo de estilos musicais: experimental, hip-hop, rock, metal, etc... estando deseñados como concertos temáticos.

Obxectivos

Promocionar aos grupos musicais de xente nova da cidade, ofrecéndolles unha plataforma para presentar a súa creación, apostando pola enerxía creativa da mocidade viguesa.

Ofrecer unha actividade moi atractiva con música en directo e ao aire libre, nun enclave natural excepcional como é o Parque de O Castro en pleno centro da cidade, ao conxunto da mocidade, fundamentalmente de Vigo e comarca, como unha alternativa de lecer saudable.