03 Xaneiro 2012
Contido: Resolución de 24 de novembro de 2011, da Secretaría de Estado de Seguridade, pola que se aproba para o ano 2012 o calendario de convocatorias de probas de selección para vixiantes de seguridade e as súas especialidades, cuxa superación habilitará para o exercicio das correspondentes profesións.
Destinatarios: poderán participar nas probas:
- Os aspirantes a vixiantes de seguridade e as súas especialidades (escoltas privados e/ou vixiantes de explosivos e sustancias peligrosas) que acrediten ter superado o curso ou cursos correspondentes nos centros de formación de seguridade privada autorizados pola Secretaría de Estado de Seguridade
-
O persoal de seguridade privada debidamente habilitado que, habendo permanecido inactivo máis de dous anos, deba someterse a novas probas para poder
desempeñar as funcións que lle son propias, conforme ao artigo 10.6 da Lei 23/1992, de 30 de xullo, de Seguridade Privada. -
O persoal que baixo as denominacións de garda de seguridade, controlador ou outras de análoga significación, viñese desempeñando funcións de vixilancia e
de control no interior de inmobles con anterioridade ao 31 de xaneiro de 1996 (Disposición Transitoria Primeira do Real Decreto 938/1997, de 20 de xuño). -
Ás especialidades de escoltas privados e/ou vixiantes de explosivos e sustancias perigosas poderán participar os aspirantes que xa sexan vixiantes de seguridade e acrediten superar o curso ou cursos correspondentes nos centros de formación de seguridade privada autorizados pola Secretaría de Estado de Seguridade.
Requisitos xerais:
a) Ser maior de idade e non cumprir cincuenta e cinco anos.
b) Ter a nacionalidade dalgún dos Estados membros da Unión Europea ou dun Estado parte no Acordo sobre o Espazo Económico Europeo, ou ben que lle sexa
aplicable o disposto na lexislación sobre réxime comunitario conforme ao Real Decreto 240/2007, de 16 de febreiro.
c) Estar en posesión ou en condicións de obter o título de Graduado en Educación Secundaria Obrigatoria, de Técnico, ou outros equivalentes a efectos profesionais, ou superiores.
d) Posuír a aptitude física e a capacidade psíquica necesarias para o exercicio das funcións de vixiante de seguridade e reunir os requisitos necesarios para prestar
servizos de seguridade privada, a tenor do disposto ao efecto no Real Decreto 2487/1998, de 20 de novembro, polo que se regula a acreditación da aptitude
psicofísica necesaria para ter e usar armas e para prestar servizos de seguridade privada.
e) Carecer de antecedentes penais.
f) Non ser condenado por intromisión ilexítima no ámbito de protección do dereito á honra, á intimidade persoal e familiar e á propia imaxe, do segredo ás
comunicacións ou doutros dereitos fundamentais nos cinco anos anteriores á solicitude.
g) Non ser sancionado nos dous ou catro anos anteriores, respectivamente, por infracción grave ou moi grave en materia de seguridade.
h) Non ser separado do servizo nas Forzas Armadas ou nas Forzas e Corpos de Seguridade.
i) Non exercer funcións de control das entidades, servizos ou actuacións de seguridade, vixilancia ou investigación privadas, nin do seu persoal ou medios, como
membro das Forzas e Corpos de Seguridade nos dous anos anteriores á solicitude.
j) Posuír diploma ou certificación acreditativa de superar o curso ou cursos correspondentes nos centros de formación de seguridade privada autorizados pola
Secretaría de Estado de Seguridade.
Requisitos específicos.
Ademais dos requisitos xerais que se determinan no apartado anterior, os aspirantes á especialidade de escoltas privados haberán de ter unha estatura mínima de 1,70 metros os homes e 1,65 metros as mulleres.
O persoal coas denominacións de garda de seguridade, controlador ou outras de análoga significación, aspirantes a vixiantes de seguridade e as súas especialidades, deberán, ademais de reunir os requisitos xerais da base 1.2 anterior, desempeñar funcións de vixilancia e control no interior de inmobles con anterioridade ao 31 de xaneiro de 1996, sen prexuízo do disposto na base 5.2. c).
Prazo:
- Convocatoria 2012/91: 10 días naturais contados a partir do seguinte ao da publicación da presente Resolución no BOE
- 2012/92: do 13 ao 22 de febreiro de 2012
- 2012/93: do 9 ao 18 de abril de 2012
- 2012/94: do 14 ao 23 de maio de 2012
- 2012/95: do 11 ao 20 de xuño de 2012
- 2012/96: do 10 ao 19 de setembro de 2012
- 2012/97: do 22 ao 31 de outubro de 2012
Máis información: BOE 03/01/2012
