Laboratorio B/N
Tedes á vosa disposición un laboratorio fotográfico, que vos permitirá realizar revelados en branco e negro. Só tedes que traer o papel e os líquidos para o revelado e o laboratorio vos ofrece o resto do material necesario.
- Localización: segundo andar da Casa da Xuventude (acceso a persoas discapacitadas ata o primeiro andar)
- Superficie: 7,5m2
- Horario: de luns a venres de 08:00 a 14:00 e de 16:30 a 20:30 horas.
- Contacto: ir a Casa da Xuventude.
- Solicitude.
Observacións
É necesario realizar unha solicitude previa de uso da Sala de Revelado indicando o calendario de horas que desexades. En breve recibiredes información sobre a súa aceptación e o calendario dispoñible.
Debedes achegar unicamente o papel e os líquidos necesarios para o revelado en branco e negro, nin a Concellaría de Xuventude nin a Casa da Xuventude responsabilízanse do uso defectuoso do material.
O mantemento, orde e limpeza dos elementos específicos do laboratorio son responsabilidade das usuarias e usuarios.
En caso de detectarse algunha anomalía ou defecto polo uso incorrecto dos distintos materiais, a Concellaría de Xuventude pode anular este servizo, ou en calquera caso, denegar o seu uso á persoa que incumpra o compromiso de correcta utilización do Laboratorio e/ou os seus materiais.
Material a disposición das usuarias e usuarios.
- 3 ampliadoras, 1 con soporte para filtros.
- 2 portanegativos para ampliadora (2x6x6 y 1x35mm).
- 2 obxectivos de ampliadora de 50mm.
- Cubetas: 7 medianas e 2 grandes.
- 3 pinzas.
- Secador de negativos.
- 7 tanques de revelado modelo Patterson.
- 3 marxinadores.
- 4 luces de seguridade.
- Temporizador de ata 120 segundos.
- Botes para líquidos tipo fol.
- Soporte para facer tiras de contacto.
- Guillotina.
- Probetas graduadas.
- Quentador.
- 2 cronómetros.
- Funís.