A Fundación Arquia convoca un total de 51 bolsas para estudantes e novos arquitectos/as das escolas de arquitectura de España e Portugal destinadas á realización de prácticas profesionais, non laborais, en diferentes destinos de arquitectura nacionais e internacionais.
As bolsas pretenden dar ás persoas candidatas, conforme aos principios de igualdade, mérito e capacidade, a posibilidade de complementar mediante prácticas profesionais os coñecementos adquiridos durante a súa formación, así como contribuír ao achegamento entre os ámbitos profesional e académico, facilitando o acceso das persoas beneficiarias a cualificados estudos de arquitectura e institucións.
– 51 Bolsas de Prácticas Profesionais para novos Arquitectos de España e Portugal.
– 30 BOLSAS para a realización de prácticas profesionais en estudos de arquitectura europeos.
– 5 BOLSAS para a realización de prácticas profesionais en estudos de arquitectura de Estados Unidos, en colaboración con Architect-US.
– 4 BOLSAS para a realización de prácticas profesionais no campo do urbanismo e o desenvolvemento da cidade na Fundación Metrópole, Fundación RIA e SEGIPSA.
– 8 BOLSAS para a realización de prácticas de xestión cultural.
– 4 BOLSAS para a realización de prácticas profesionais na Administración Pública.
Para acceder ao programa de bolsas de prácticas profesionais existen dúas modalidades de participación: expediente académico e concurso.
Destinatarios:
Estudantes: Persoas matriculadas no Grao de Arquitectura, dobres graos con Arquitectura e/o #Máster Habilitante e que superasen nalgunha escola de arquitectura de España ou Portugal, como mínimo, o 60% dos créditos (ECTS) totais do Plan de estudos cursado para poder exercer a profesión de arquitecto.
Arquitectos/as: Persoas que obtivesen o título para exercer a profesión de arquitectura a partir de de o 30 de abril de 2024, nunha universidade de España ou Portugal ou obter o título fóra dos devanditos países e homologado nalgún deles.
Prazo: A data límite de admisión de inscricións e do material requirido a concurso é o luns día 31 de marzo de 2025 ás 12h do mediodía (hora peninsular española).
Máis información: Fundación Arquia
