A Concellería de Xuventude do Concello de Vigo lanza o Laboratorio Musical para a Mocidade, unha iniciativa intensiva de formación musical e creativa destinada a mozos e mozas de 15 a 20 anos. O programa desenvolverase en Vigosónico durante dúas semanas consecutivas de verán, ofrecendo unha experiencia transformadora arredor da música, tanto como forma de expresión persoal como vía profesional.
A inscrición está aberta ata o 30 de maio, e o Laboratorio combinará traballo práctico en instrumentos, composición e produción musical con obradoiros especializados en comunicación artística, dereitos de autor, DJing e creación sonora para videoxogos.
Unha experiencia práctica, creativa e única
O Laboratorio desenvolverase de luns a venres, de 09:30 a 14:00 horas, cun enfoque 100% práctico e participativo. Cada xornada estrutúrase en dúas partes:
Formación instrumental e traballo en bandas: guitarra, baixo, batería, voz e combos musicais.
Obradoiros especializados: creación de cancións, produción musical con intelixencia artificial, comunicación para artistas, planificación de concertos ou iniciación ao DJing.
O equipo docente está formado por recoñecidos profesionais da escena musical e educativa galega, entre eles:
Martiño Martínez (guitarrista en bandas como Kannon ou Iván Ferreiro),
María Soa (Fillas de Cassandra),
Antonio López (Soul Jacket),
Nicolás Pastoriza (Bromea o Qué, Marabunta),
Miguel Areán (miembro de DEV – Desenvolvedores de Videoxogos Españoles – e experto en novas tecnoloxías),
Pablo López (produtor musical, técnico de son e formador xuvenil en Vigosónico),
Álex García (batería e profesor de Vigosónico),
Patricia Hermida (mánager de Heredeiros da Crus e presidenta de AGEM),
Llxnto DJ (referente da escena electrónica en locais como Radar ou Mondo),
Juan Rivas (músico, compositor e experto en dereitos de autor e propiedade intelectual),
Salvador García (director do Maketón de Radio Vigo).
A coordinación do acompañamento educativo e a dinamización creativa estarán a cargo de Carolina Rivas, Carolina López, Marta Herrero e Anabel Álvarez, monitoras especializadas en tempo libre e procesos creativos para a mocidade.
Formación aberta a todos os estilos e perfís musicais
O Laboratorio está dirixido tanto a mozos e mozas con formación musical previa como a aquelas persoas con interese ou curiosidade polo mundo da música, independentemente do estilo: pop, rock, música urbana, folk, electrónica, clásica ou experimental.
As persoas participantes desenvolverán habilidades como:
Tocar, gravar e producir música.
Crear o seu propio rider técnico, podcast ou demo.
Comprender o funcionamento da industria musical e explorar posibles saídas profesionais.
O programa pecharase cunha actuación final aberta ao público, onde se mostrará o traballo realizado ao longo do Laboratorio.
Detalles prácticos
📅 Datas: dúas semanas consecutivas (de luns a venres).
🕘 Horario: de 09:30 a 14:00 horas (con servizo de madrugadores desde as 08:30 e friameira ata as 15:00).
📍 Lugar: Vigosónico (Parque Tecnolóxico de Valadares, Estrada do Portal s/n, Vigo).
✍️ Inscricións: ata o 30 de maio en www.vigosónico.com.
Un espazo para descubrir talentos e soños
O Laboratorio Musical para a Mocidade é unha aposta decidida do Concello de Vigo para incentivar o talento xuvenil, estimular a creatividade e ofrecer ferramentas reais de desenvolvemento persoal e profesional no ámbito musical.
