Concesión de bolsas de formación, dirixidas a persoas cun título universitario ou cun título de técnico superior de formación profesional, para a realización de prácticas en asuntos relacionados coa Unión Europea.
Requisitos:
- Ter a nacionalidade española ou ser nacional dun Estado membro da Unión Europea.
- Ser natural de Galicia, ser fillo/filla de galegos ou acreditar a residencia en Galicia, polo menos desde os dous anos anteriores á publicación da convocatoria, mediante o empadroamento.
- Posuír o título académico necesario para a modalidade á que se presenta a persoa beneficiaria ou xustificante do pagamento das taxas que dan dereito á expedición do dito título. Os estudos conducentes á obtención do título deberán terse rematado dentro dos seis (6) anos anteriores ao da publicación da convocatoria.
- Posuír a capacidade funcional necesaria para o desempeño das funcións que se deriven do obxecto desta bolsa.
- As persoas solicitantes non poden estar incursas nas prohibicións para obter a condición de persoa beneficiaria.
- Non ter gozado anteriormente doutra bolsa da FGE en convocatorias anteriores, agás que na convocatoria do ano inmediatamente anterior fose chamado/a da listaxe de suplentes e gozase da bolsa por un período de tempo non superior a 3 meses.
Prazo:
O prazo de presentación de solicitudes e da documentación complementaria e méritos, de acordo cos anexos que se xuntarán á correspondente resolución de convocatoria, será dun mes contado a partir do día seguinte ao da publicación da resolución da correspondente convocatoria no Diario Oficial de Galicia.
Máis información:
