A Secretaría Xeral da Lingua convoca por primeira vez unha proba en liña para a obtención do Certificado de lingua galega 4 (Celga 4), no marco do proxecto piloto co que se pretende incorporar as novas tecnoloxías ao proceso de avaliación do galego.
Requisitos
- Ter 16 anos cumpridos ou facelos ao longo de 2025.
- Ser nacional ou estranxeiro/a.
- Dispoñer dun equipamento informático adecuado para realizar a proba en liña (ordenador con cámara, micrófono e conexión a internet, ademais dun teléfono móbil).
- Realizar a inscrición electrónica tanto na sede electrónica da Xunta de Galicia (https://sede.xunta.gal) como na plataforma de teleformación da Secretaría Xeral da Lingua (https://formacion-lingua.xunta.gal).
O número máximo de prazas dispoñibles é de 100.
Prazo de inscrición
O prazo será de dez días hábiles contados a partir do día seguinte á publicación da resolución no Diario Oficial de Galicia (DOG).
Se o último día é inhábil, prorrógase ao primeiro día hábil seguinte.
Taxa de exame
As persoas seleccionadas deberán aboar unha taxa de 16,92 € no prazo de cinco días hábiles desde a publicación da listaxe de admitidos/as.
Máis información
- Páxina web da Secretaría Xeral da Lingua
- DOGA
