Vigo Dance Festival

O alcalde presentou o Vigo Dance Festival, primeira edición do festival multidisciplinar de danza de Vigo, que nace “con vocación de permanecer para sempre” porque é un “proxecto pensado e estudado que queremos que dure anos”. Así, convidou a todos os grupos vigueses a participar no evento, que é de carácter gratuíto, e a “todo o mundo que lle guste a danza”.

Durante os días 24 e 25 de maio o Auditorio Mar de Vigo acollerá as escolas de baile, grupos de baile de asociacións veciñais e grupos profesionais de danza no Vigo Dance Festival, que se configura como unha alternativa de ocio, creativa e cultural para a mocidade. Sobre o escenario, unha mostra das diferentes disciplinas da danza, tal e como apuntou Caballero, que avanzou que o festival contará con outra edición no outono, previsiblemente os días 8 e 9 de novembro.

Na presentación celebrada hoxe no Concello estiveron presentes Nerea Suárez e Daniel Suárez, de Dance Academy; Cristina Rodríguez, da escola Media Punta; e María Lago, da escola New Era. Tamén a concelleira de Xuventude, María Lago, e Marta Díaz, a presidenta de Coreomagazine, asociación que promove a danza na cidade, que agradeceu o apoio municipal para desenvolver este programa que quere promover a danza na cidade así como “actitudes saudables e motivos para saír de casa e deixar as pantallas”. Amais destacou o carácter gratuíto do festival, o que permitirá que suban ao escenario grupos que nunca antes puideran bailar no Auditorio polo seu custo, e convidou a participar a tódalas escolas e grupos da urbe onde hai unha calidade de baile que “xa lle gustaría a moitas cidades”.

¡Vigo Dance Festival 2025!

¡Inscríbete e participa en el mayor evento de danza del año!

Vigo seguirá marcando a diferenza!

Obxectivos do festival

Vigo seguirá marcando a diferenza! Obxectivos do festival

• Promover a arte e a cultura como motor de cambio social: o Consolidar Vigo como un referente na promoción de valores positivos a
  través da expresión artística.
  
• Sensibilizar sobre os problemas actuais:
  o Sensibilizar á cidadanía sobre temas como a violencia de xénero e a
  adicción dixital, fomentando a reflexión colectiva a través da arte.
• Ofrecer alternativas saudables e creativas para a socialización:
  o Promover a interacción social desde unha perspectiva enriquecedora e
  libre de hábitos nocivos.
• Fomento do talento local e comunitario:
  o Proporcionar unha plataforma para que as asociacións veciñais, artistas e
  colectivos de danza exhiban o seu traballo, reforzando o tecido social e
  cultural da cidade.
  Principais actividades
• Espectáculos de danza: Participación de compañías de baile, asociacións, clubs ou
  escolas locais.
  Impacto esperado
  O festival de danza multidisciplinar que organiza o Concello de Vigo Concellería de
  Xuventude, está pensado para xerar un impacto significativo tanto a nivel social como
  cultural. Os principais resultados esperados inclúen:
• Fortalecemento da cohesión social: Promover a interacción e o intercambio entre
  comunidades diversas, fortalecendo os vínculos veciñais e fomentando o sentido
  de pertenza e unidade.
• Facer visible o talento local e comunitario:Proporcionar unha plataforma para que
  as asociacións veciñais, os colectivos artísticos e os bailaríns emerxentes mostren
  o seu talento e creatividade ao público.
• Reducir o illamento social: Proporcionar un espazo de interacción cara a cara,
  contrarrestando os efectos do illamento provocados polo uso excesivo das
  tecnoloxías dixitais e outros hábitos sedentarios.
• Sensibilizar sobre cuestións clave: Sensibilizar sobre temas como a violencia de
  xénero e a adicción dixital, utilizando a danza como vehículo de reflexión e cambio
  social.
• Promover o acceso á cultura: Democratizar a expresión artística proporcionando
  oportunidades para que grupos con recursos limitados participen activamente e
  presenten o seu traballo nun ámbito profesional.
• Promover a identidade cultural de Vigo: Posicionar a cidade como un referente no
  fomento da danza e das artes escénicas, potenciando a súa proxección tanto a nivel
  nacional como internacional.
• Crea recordos perdurables: Ofrecer unha experiencia inesquecible para
  participantes e asistentes, promovendo valores de respecto, traballo en equipo e
  paixón pola cultura.

PROGRAMA
O festival dividirase en dúas edicións, cada unha cunha temática propia e actividades
especiais:
Edición de primavera: 24 e 25 de maio
Edición de outono: 8 e 9 de novembro
Día 1

• Mañá: DE 11:00 A 13:30
  o Exhibicións de danza a cargo de colexios e asociacións locais.
  o Sorteo de viaxes familiares ás Illas Cíes e entrega de medallas
• Tarde: DE 16:00 A 19:30
  o Continuación das actuacións de baile de colexios e asociacións locais no
  Auditorio Mar de Vigo.
  o Sorteo de viaxes familiares ás Illas Cíes e entrega de medallas
  o Día de clausura 1: Despedida con todos os bailaríns e coreógrafos no
  escenario.
  Día 2
• Mañá: DE 11:00 A 13:30
  o Novas exhibicións de baile de colexios e asociacións locais.
  o Sorteo de viaxes familiares ás Illas Cíes e entrega de medallas
• Tarde: DE 16:00 A 19:30
  o Últimas actuacións de baile dos colexios e grupos locais.
  o Clausura do evento
  o Sorteo final de viaxes familiares ás Illas Cíes e entrega de premios.
  o Gran peche do festival: Todos os bailaríns e coreógrafos no escenario para
  unha despedida colectiva.