Diálogo da UE coa Xuventude

Algunha vez te preguntaches como sería poder cambiar as cousas que non che gustan da túa cidade, da túa comunidade ou mesmo de Europa? Pois esta é a túa oportunidade!
O programa “Diálogo da UE coa Xuventude” dáche a oportunidade de participar directamente nas decisións que afectan á túa xeración.
Que é o Diálogo coa Xuventude?
É unha iniciativa da Unión Europea que conecta a mocidade coas persoas responsables das políticas públicas. O obxectivo é claro: mellorar o deseño e a implementación das políticas que nos afectan, desde o ámbito local ata o europeo.
O “Diálogo da UE coa Xuventude” quere que sexas a ponte entre a mocidade e quen toma as decisións importantes. Imaxinas poder dicirlles directamente ás persoas responsables políticas o que a mocidade necesita?
O papel das Embaixadoras e dos Embaixadores do Diálogo
Como Embaixadora ou Embaixador serás responsable de:
Organizar eventos e actividades para que outras persoas mozas se unan ao movemento.
Establecer diálogo entre a mocidade e as persoas responsables políticas.
Colaborar con outras embaixadoras e embaixadores, así como con entidades xuvenís.
Ser a voz da túa xeración!
Podes participar?
Claro que si! Só precisas:
Ter entre 13 e 29 anos.
Ganas de cambiar as cousas.
Compromiso para a segunda metade de 2026 e todo o 2027.
E moitas ideas para compartir!
Por que participar?
Inflúe directamente nas políticas que afectan á mocidade.
Desenvolve habilidades de liderado e comunicación.
Amplía a túa rede de contactos a nivel estatal e europeo.
Adquire experiencia en procesos de toma de decisións.
Anímaste? O tempo corre!
Tes desde o 23 de xuño ata o 15 de setembro ás 23:59 h para inscribirte. Non o deixes para última hora!
Como te inscribes?
Enche o formulario de inscrición (é facilísimo!).
Cruza os dedos.
Agarda a nosa resposta.
Mantente ao día!
Non perdas nada seguíndonos en:
Instagram
E non esquezas usar os hashtags #DiálogoXuventude e #EUYouthDialogue nas túas redes para unirte á conversa.
Para calquera dúbida ou consulta, podes contactar connosco a través das redes sociais ou do correo dialogoconlajuventud@cje.org.