A Coordinación Autonómica de Transplantes (ADOS) abre a convocatoria para a presentación de pezas aos concursos de curtametraxes e carteis para o curso 2023/24 para estudantes de 5° e 6° de Primaria, ESO, Bacharelato, Ciclos formativos, Ensinanazas artísticas e Universidade de Galicia.
Os concursos son:
VI Concurso de carteis para escolares relacionado coa doazón e os transplantes de órganos. Prazo: 30 de abril de 2024
Establécense dúas categorías de participación para o alumnado matriculado durante o curso 2023/24:
– 5º e 6º de educación primaria
– 1º, 2º e 3º de educación secundaria obrigatoria (ESO)
Para cada unha destas categorías concederase un 1º e un 2º premio:
1º premio: 1000 euros destinado á adquisición de material escolar para o centro docente. O/a alumno/a e profesor/a recibirán cadansúa tableta.
2º premio: 500 euros destinado á adquisición de material escolar para o centro docente. O/a alumno/a recibirá uns auriculares e o profesor/a unha tableta.
IX Concurso universitario de curtametraxes relacionado coa doazón e transplante de medula ósea. Prazo: 15 de xuño de 2024
Dirixido a alumnado matriculado durante o curso 2023/24 nas universidades do Sistema Universitario de Galicia e nos centros asociados da UNED en Galicia.
1º premio: 2000 euros para o alumnado participante, para compra de material informático, audiovisual, deportivo ou de lectura.
2º premio: 1500 euros para o alumnado participante, para compra de material informático, audiovisual, deportivo ou de lectura.
3º premio: 1.000 euros para o alumnado participante, para compra de material informático, audiovisual, deportivo ou de lectura.
X Concurso de curtametraxes para escolares relacionado coa doazón e os transplantes de órganos. Prazo: 30 de abril de 2024
Dirixido a alumnado de 4º da ESO, bacharelato, ciclos formativos de grao básico, medio e superior e de ensino artístico regrado de todos os centros educativos, tanto sostidos con fondos públicos como privados, da Comunidade Autónoma galega.
1º premio: 1.000 euros para o centro escolar e 1.000 euros destinados ao alumnado participante e tableta para o titor do traballo.
2º premio: 750 euros para o centro escolar e 750 euros destinados ao alumnado participante e tableta para o titor do traballo.
